نصائح يجب اتباعها قبل تركيب انظمة كاميرات المراقبة

→

نصائح يجب اتباعها قبل تركيب انظمة كاميرات المراقبة

شوية نصايح من موقعكم دايركت آب لازم تعرفها قبل ما تركب كاميرات مراقبة

مفيش حاجة اسمها اعلى جودة بأقل سعر انت عمرك ما هتركب مرسيدس 2021 ب 50 الف جنية ولا عمرك هتشيل iPhone X ب 2000 ج فخليك واقعى واعرف انت بتشترى ايه فيه حاجة اسمها جودة مناسبة على أد فلوسك وفيه حاجة اسمها جودة عالية بفلوس عالية برضة قديمة الحركة دى .

حدد هدفك

لما تيجى تختار كاميرات مراقبة حدد هدفك مظبوط عاوز تتابع الدنيا وخلاص ولا عاوز تشوف تفاصيل ووشوش بنى أدمين ولا عاوز تجيب ارقام العربيات ” و كمان حدد العربيات دى ثابتة ولا متحركة ولو متحركة بتتحرك بسرعة كام ؟ كل العوامل دى بتفرق مع المهندس اللى هيصمملك السيستم .

هتعمل ايه في انقطاع الكهرباء

دايما اهتم ان يكون فيه سيستم يشغل الكاميرات لما الكهرباء بتقطع لان اول حاجة بيعملها الحرامى انه يفصل الكهرباء عن المكان عشان يكون على راحته .

اهتمامك بالسعر على حساب الكواليتى هيلبسك فى الحيط .. بلاش توفر فى الكاميرات بالذات وركب حاجة محترمة ” هى مره فى العمر ” .

اختار متخصص في مجال انظمة الحماية وكاميرات المراقبة

مش معنى ان عم عبده البقال بقا شغال فى الكاميرات ان الموضوع بقا سهل ومش مستاهل الفيس بوك مليااااان فيديوهات لعمليات سرقة وخطف وسطو مسلح وكل الفيديوهات مشترك فيها ان وش المجرم مش باين وده مش ذنب عم عبده بس — ده ذنبك انت انك ركبت حاجة رخيصة غير مطابقة للمواصفات ومش متناسبة مع المكان اللى انت فيه .

التركيب والفينش للسيستم يعتبر عامل كبير فى سلامة النظام وعمله بشكل سليم وده اللى بيفرق من شركة للتانية ودايما اهتم بحماية الكابلات جوة مواسير PVC او ع الاقل مواسير حرارة او روح لشركة محترمة وهى تقولك تعمل ايه لازم تعرف كمان ان العنصر المسئول عن التسجيل هو الهارد ديسك وده بيركب جوة جهاز التسجيل DVR والهارد منه انواع كتير فيه هارد بيانات بيركب فى الكمبيوتر وهارد فيديو بيركب مع كاميرات المراقبة جوة ال دى فى ار .. متروحش تركب هارد كمبيوتر للكاميرات عشان مش هيعمر اكتر من 6 شهور .. اللهم بلغت .

بتحب تفاصل :

قبل ما تفكر تمارس هواية الفصال — من حقك كعميل تاخد حاجة اسمها عرض اسعار وده عبارة عن ورقه فيها مكونات السيستم وكل مكون ادامة رقم الموديل بتاعة بالكامل عشان تقدر انك تلف وتسأل عن طريق رقم الموديل وتوصل لاقل سعر وده حقك على اى شركة — لو اخدت عرض سعر من شركة بدون ارقام الموديلات و بيان مختصر للمواصفات فدى حاجة من الاتنين يا اما شركة جاهلة ياما نصابة – وفى كلتا الحالتين متتعاملش معاها مهو برضة.

تحديد النوع والموديل :

مينفعش اروح اسال الموبايل السامسونج بكام ! سامسونج عملت اكتر من 100 موبايل المفروض تحدد الموديل بالظبط عشان على اساسه هتوصل لافضل سعر نفس الكلام فى كاميرات المراقبة كلهم شبة بعض تقريبا بس الموديل بيفرق فى المواصفات وجودة الصورة و بالتأكيد بيفرق فى السعر .

الالرم مهم (التنبيه قبل السرقة) :

لازم تبقى عارف انك لما تصور الحرامى كويس ان محدش هيجيبهولك عشان كده لازم السيستم ينبهك قبل السرقة ما تحصل اصلا وده اللى مش كل الشركات بتقوله للعملاء

جهاز التسجيل (DVR) :

اهتم دايما بجهاز التسجيل لان ده عليه عامل كبير جدا فى وضوح الصورة سواء فى العرض او فى التسجيلوخللى بالك مش كل الاجهزة بتسجل زى ما بتعرض يعنى ممكن جهاز التسجيل يعرض على الشاشة كاميرا 2 ميجا بيكسل – بس لما يجى يسجل هيسجل بدقة 1 ميجا بيكسل فقط وده الفخ اللى بيقع فيه ناس كتير عن جهل بتروح تشترى كاميرات غالية ومش بتستفاد بيها

متعتمدش على الرؤية الليلية بتاعت الكاميرا لانها غالبا مش هتوضحلك حاجة لو معاك فلوس ركب كاميرات star light ودي بتبقى ليل ونهار بالالوان لان الكاميرة بها ليدات اضاءة غير كده الصورة مش هتعجبك .

حماية جهاز التسجيل :

اهتم ان يكون جهاز التسجيل مستخبى لانه شبة الرسيفر واول حاجة بتتسرق

مفيش كاميرات مراقبة تنفع مكان التانية كل مكان له كاميرات معينة – اللى يركب فى محل غير اللى يركب على طريق غير اللى يركب على بوابة غير اللى يركب جوة فرن احمد مش زى الحاج احمد فى الحالة دى.

بلد الصنع :

متهتمش الكاميرات صينى ولا تايوانى ولا بتنجانى لان كله متقفل فى الصين اهتم بالمواصفات وشوف بعينك قبل ما تركب

كاميرات المراقبة قبل ما بتكون عامل ردع فى بعض الاوقات بتكون عامل ارتياح نفسى واطمئنان على نفسك واسرتك .

مفيش حد هيبيعلك بالرخيص ويديك ضمان استبدال لمدة سنة الحداية مش بتحدف كتاكيت.

لو محتار تختار بين الكواليتى ولا السعر  دايما اختار نفسك أو اسأل واحنا نجاوبك.


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


→
شركة Gearbox تعمل على مشروع جديد سوف يعجب جميع الأعمار

عندما يسمع أي أحد أسم Gearbox كل ما يخطر...

→
Fortnite: تحديات الأسبوع السابع للموسم السابع متاحة الآن

باقي من الزمن ثلاثة أسابيع على انتهاء الموسم الأكثر...

→
يبدو أن Assassin’s Creed 3 قادمة في وقت ما لمنصة Nintendo Switch

تم التأكيد منذ يومين عن موعد إطلاق النسخة المحسنة...

→
Red Dead Redemption 2 هي اللعبة رقم 1 في موسم نهاية العام

يبدو أن شركة Rockstar قد وصلت إلى مستوى نجاح...

→
عدد لاعبي PUBG على الحاسب الشخصي تخطى حاجز الـ 1 مليون مرة أخرى

يبدو أن لعبة PUBG قد عادت مرة أخرى فبعد...

→
الإشاعات كانت صحيحة في Fortnite لن تصدر على متجر Google Play

تتوالى الإشاعات حول اصدار لعبة  Fortnite على الهواتف الجوالة...

→
Fortnite: استعدوا للطيران بالبالونات في القريب العاجل

هل تتذكرون البالونات التي تم تسريب وجودها في لعبة...

→
بشكل نهائي Path Of Exile قادمة لـ Playstation 4 في مارس

بعد العديد من التأجيلات للعبة Path Of Exile على...

→
لا نية لجزء ثاني من Rocket league

لا نية لجزء ثاني من Rocket league باتت لعبة...

→
Fortnite: تفاصيل تحديث 5.40 و الذي يقدم لنا حدث High Stakes

اتتذكرون حدث High Stakes ؟ حسنا أنه متاح الآن...